Rud van Nistelroj je kao privremeni trener upisao tri pobjede i jedan remi i otišao iz Mančester junajteda, tačnije nije ga želio u svom stručnom štabu novi trener Ruben Amorim.
Njegov nekadašnji saigrač Rio Ferdinand rekao je kako je Amorim morao da skrajne Van Nistelroja jer Holanđanin ima status legende među navijačima.
“Ako imate takvog čovjeka na klupi kao pomoćnika i stvari ne krenu kako treba, znate da će navijači početi tražiti da Van Nistelroj postane glavni trener. Navijači su ga voljeli, vole ga sad još i više”, objasnio je Ferdinand u svom podcastu.
Van Nistelrooy je stekao svjetsku slavu igrajući i zabijajući za đavole – odigrao je 219 utakmica i postigao impresivnih 150 golova.
