Pjevačica Tijana Dapčević otkrila je da je u jednu pjesmu ulagala sve nade, a upravo u toj numeri opisala je i situaciju na estradi.
“Pričaš o pjesmi koju apsolutno niko nije primijetio, koja se desila 1. januara 2025. godine u užasno vrijeme. Baš u lošem periodu, ne samo kod nas, nego svuda u svijetu. To je pjesma za koju smo bili ubijeđeni da će to da bude vau. Znači nikad nema pravila. Ono imaš u glavi da će proći i da će biti, a ne desi se ništa”, rekla je Tijana u jednoj emisiji.
Kako tekst pjesme kroz šalu govori o svemu šta se na estradi dešava, voditelja je zanimalo da li se neko od njenih kolega naljutio kada je čuo pjesmu.
“Onda su neki prijatelji počeli da govore ‘Normalno da neće da prođe zato što si bila iskrena’. Pa ljudi moji, uvijek sam bila iskrena. Stvarno me ne zanima da li mi je neko zamjerio, ali je to činjenica. Možda ne sada, ali kada sam ja počinjala, imali smo gomilu nekih pjevačica koje su iz blata. Nemam ništa protiv sela i seljaka, poljoprivrednika, moj suprug je poljoprivrednik. Ali došli, ono, sve je to super došli sa sela, ali selo nikada ne izađe iz tebe. Znam ja ljude koji su došli sa sela i etablirali se, ali ima i nekih iz kojih selo nikada nije izašlo. Ne samo u mom biznisu, nego u svuda”, kazala je Tijana i dodala:
“Ima svuda toga, ne samo kod nas, nego u regionu, u Makedoniji bi rekli ‘S lopatom da ih rineš’. Tako da, jesam malo opjevala to. Ako se neko pronašao, nije mi bila namjera, samo sam htjela da ispričam ja i Aleksandar autor teksta”.