Dvije crnogorske rukometašice napustile su azerbejdžanski Kur.
Anastasija Čogurić i Milica Stamatović neće više nastupati za ovaj tim i očekuje se da uskoro pronađu nove ekipe, uoči početka sezone.
“Od srca vam se zahvaljujemo na tome što ste sa ponosom nosile dres našeg kluba, kao i na vašem trudu, zalaganju i doprinosu našem timu. Želimo vam mnogo novih uspjeha u budućoj karijeri, dobro zdravlje i mnogo pobjeda. Uvjereni smo da će vam iskustvo koje ste stekle donijeti velike uspjehe na vašem daljem putu. U ime Rukometnog kluba Kur, zahvaljujemo vam se na svemu i želimo vam bezbroj uspjeha u budućem radu”, saopštio je klub.
Dres Kura sa uspjehom kao liderka tima nosi još jedna naša internacionalka Esma Muratović.
